سلاملار عزيز و حؤرمتلي وئبلاگيمدان گؤروش ائدن لر
من كئچن ايلدن ايندي يه قدر بير سيرا چتينليكلره گؤره وئبلاگي گوندملشديره بيلمه ميشديم
ها بئله يئني كيليپلري حاضيرلاماقدا همان چتينليكلره گؤره آرا (فاصله) توشموشدور
هر آن وئبللاگين گوندملشمه سي فيكريمده ايدي آما هر حالدا چتينليكلردير كي بير سيرا گؤرولن ايشلره مانع تؤره لديرلر...
يالنيزليغيم يئنه داوام سورور...
اينديليكده يازديغيميز سون يازيملا وئبلاگيمي گوندملشديريره م...
سيزينده اؤنه رلرينيزين (نظرلرينيزين) يولون گؤزله ييره م
(گلن نئچه گونده يئني كيليپي وئبلاگدا گؤره بيلرسينيز...)
سنين آنيلارين (خاطيره لرين)!
يازيقلار اولسون كي سني آنيماقدا مني اينجيدير
آنيلارين فيكريمي قاتيب، اوره گيمي سيخير
هر يازيمدا سون قويماغي اوره ييمه سؤز وئريره م
آما نعشه لر كيمي، اوره گيمده كئچميشلردن ال چكمير
اؤز اؤزومه باخيب بو ايشه حيران قاليرام
يالنيزليغيم داها آرتير
سانكي دنيز اورتاسيندا يالنيز قالميش بير آدا كيمي
كئشكه اينساندا اوره ك اولمايايدي!
نه اولور كي؟!
سانكي بير داش كيمي
هر دن فيكره داليرام كي:
داشلار چوخ ياشاييرلار
يا شمع لر؟!!
داشلار ياشاييرلار
يا شمع لر اينتيهار ائديرلر؟!!
اولا بيلر بونلاردا بير هزيان ديرلار!
اولا بيلر بير بهانه ديرلر كي من يئنه سنين خاطيره لرينله،
اوره گيمله گونلر كئچيرديب
و حوزونلو گئجه لريمه سون قويام!
بلكه بو گئجه لر ده قورتارا!
شعري يازان چاغ: 13/5/1388 – گئجه ساعات 12
شعر: آتيلا (يالنيز آتيلا)
بو يازيما ايكي كارت پوستال:
شكيللري آشاغيداكي باغلانتيدان دا (لينك) ائنديره بيلرسينيز
